Inni-Þríþrautin fór fram 3.árið í röð sl. fimmtudagskvöld, í Laugum að vanda.  Þátttaka var frábær í kvennaflokki, en því miður aðeins minni í karlaflokki.  Í báðum flokkum var keppnin þó æsispennandi.
Í karlaflokknum urðu Óli og Torben annað árið í röð í fyrsta og öðru sæti, en munurinn þó minni en nokkru sinni, aðeins 8 sekúndur.  Hartmann skellti sér síðan í þriðja sætið, enda alltaf að bæta sig karlinn.
Í kvennaflokknum var mikið um nýliða í þríþraut og það var ein þessara nýliða, Agga (Guðbjörg Björnsdóttir), sem gerði sér lítið fyrir og vann með nokkrum yfirburðum.  Í þriðja sæti varð önnur nýliði, Helga Árnadóttir, en í öðru sæti, upp um eitt sæti síðan í fyrra, varð Eva Margrét.

Við þökkum öllum keppendum fyrir þátttökuna og góða keppni, og einnig öllum sem aðstoðuðu við keppnishaldið.

Myndir frá keppninni koma hér á síðunni von bráðar...