Lokahóf sundæfinga 2006

Skrifað af Sigurður V. Smárason

miðvikudagur, 31 maí 2006

Sundfólkið að lokinni æfingu Jæja þá erum við komin í frí frá skipulögðum sundæfingum þangað til í haust.  Sex hetjur mættu til leiks og var tekin létt æfing þar sem m.a. var æft sig í skriðsundi afturábak ( sjá kvimynd1 og kvikmynd2 ), blindandi skrúfusundi, kafsundi og fleiru og fleiru.  Hið sívinsæla boðsund var tekið, 3x50m, og þrátt fyrir gróft svindl (nefnum engin nöfn...)  tapliðsins vann mitt lið verðskuldaðan sigur.  Það var sæt hefnd að telja armbeygjurnar hjá þeim þegar úrslit voru orðin ljós. Að lokum var svo "synt í mat", 40m póló sund að laugarbakkanum þar sem við gæddum okkur á brauði og öðru góðmeti.  Rémi græjaði matinn og eins var hann búinn að taka saman mætingu hjá öllum sem hafa mætt í vetur.  Hartmann var í fyrsta sæti með 110% mætingu sem verður að þykja nokkuð gott, en í öðru sæti var Rémi sjálfur með 88% mætingu og í því þriðja var Sigurbjörn Einars með 80% mætingu. Fleiri myndir frá slúttinu eru hér.

Síðast uppfært ( miðvikudagur, 31 maí 2006 )

 

< Fyrri		Næsti >