Þríþrautarfélag Reykjavíkur - 1/2 Ironman á Íslandi

1/2 Ironman á Íslandi

Skrifað af Jens Viktor Kristjánsson
fimmtudagur, 16 ágúst 2007
Þá er loksins komið að því! Við höldum 1/2 Ironman í Mosfellsbæ sunnudaginn 26.ágúst kl.9:00. Synt verður í Varmársundlaug (við íþróttahúsið Varmá), hjólað á Þingvelli og tilbaka, og hlaupið um Mosfellsbæ. 1900m/90km/21km Einnig verður keppt í styttri þraut, 500m/25km/7km, og hefst keppni þar kl.9:45. Þátttökugjald fyrir lengri þrautina er 1500kr en 1000kr fyrir þá styttri. Til að hjálpa okkur að halda þessa keppni sómasamlega biðjum við þá félagsmenn sem ekki ætla að keppa að mæta og aðstoða við keppnishaldið. Einnig viljum við biðja þá keppendur sem geta að koma með einn aðstoðarmann (eða fleiri). Gerum okkur glaðan dag saman og eflum þríþrautarandann! Skráningar og/eða tilboð um aðstoð má senda á jenskristjans(at)simnet.is Nú (á föstudegi) eru 7 skráðir til leiks í lengri vegalengdina en aðeins 1 skráning hefur borist í þá styttri. !!! Myndir af keppnisleið og meiri upplýsingar - veljið "Lesa meira..." !!! Keppendur eru beðnir um að athuga að hjólaleiðin öll og hluti hlaupaleiðarinnar er á vegum sem við deilum með akandi umferð. Það er því miður ekki hægt að verja keppendur fyrir þeirri umferð, og því biðjum við alla keppendur um að hjóla/hlaupa með þetta í huga og sýna varúð. Einnig eru keppendur beðnir um að kynna sér bæði hjóla- og hlaupaleið vel fyrir keppni. Hlaupaleið verður merkt með hveiti og/eða límbandi, en brautarverðir verða einungis á 2-3 lykilstöðum. Hjólaleið (90km): Hlaupaleið (7km): Skiptisvæði (Start+Mark):
Síðast uppfært ( föstudagur, 24 ágúst 2007 )

< Fyrri		Næsti >

[ Til baka ]