Karen Axelsdóttir, sem er búsett í London, vann bronsverðlaun í sínum aldursflokki á Heimsmeistaramótinu í þríþraut sem haldið var í Hamborg, Þýskalandi um helgina.
Karen hefur aðeins stundað þríþrautina í rúmt ár og því er þetta ótrúlega flottur árangur hjá henni.  Karen hefur verið í sambandi við okkur í ÞRÍR þar sem hún hefði gjarnan viljað keppa fyrir hönd Íslands, í stað Bretlands, en sökum smæðar okkar félags þá hefur ekki (ennþá) verið grundvöllur fyrir því.
En við höfðum samband við hana eftir frammistöðuna um helgina og hér fyrir neðan er þríþrautarsaga hennar...

Það verður mikið að gera á næstunni við að mæta í allar keppnir sem í boði eru...

Um næstu helgi verður efnt til landskeppni við Færeyinga í hjólreiðum.
Hjólaðar verða þrjár dagleiðir, við Marel í Garðabæjarhrauni, í Hvalfirði og á Krísuvíkurleið. Keppt verður í tveim flokkum í báðum kynjum. Opnum flokki sem allir þátttakendur verða með í og flokki 18 ára og yngri. (nánari uppl. hér að neðan)

Í næstu viku bíða síðan þríþrautir, fimmtudaginn 13. á Suðurnesjum (nánar auglýst síðar) og laugardaginn 15. á Akureyri (sjá www.hlaup.is).