Leikur að tölum frá Hálf-ólympísku þríþrautinni á Nesinu, 2008

-- Áhrif skiptitímans og aldurs á heildarúrslit

Eins og vænta mátti hafa hér orðið talverðar tilfæringar.  Torben bætir tíma sinn um eina mínútu og situr sem fastast í 1. Sæti (hann er líklega orðinn leiður á 2. sætinu).  Steinn færist aftur upp í 2. Sæti og er nú aðeins 38 sek á eftir Torben þar sem Steinn er fæddur ‘68.  Hákon er aftur kominn á sinn rétta stall frá byrjun.  Bruce er áfram í 4. Sæti og einnig Jón Hugi í 5ta sæti.  Jón hefur saxað þrjár mínútur á tíma Bruce án þess að komast með tærnar þar sem hann hefur hælana.  Hartmann er hástökkvarinn í þessum loftfimleikum því að eftir að hafa færst úr 10-unda sæti í það 8-unda með afnámi skiptitímans, færist hann núna upp í 6-ta sæti.  Munar þar mestu að hann fær fimm mínútur í frádrátt í sína forgjöf enda fæddur ’54.  Hinir þátttakendurnir með lakari heildartíma færast neðar sem því nemur.  Sveinbjörn og Birgir verða því í 7. Og 8. Sæti en voru áður í 6. Og 7.  Bjarki Þorleifsson er áfram í 9. Sæti.  Bjarki Þórleifsson hefur færst úr 8. Sæti í það 10 en Ómar og Stefán eru áfram í 11. Til 12 sæti.

Umræður

Corinna Hoffman sendi okkur þessa keppnissögu um Kópavogsþríþrautina.

Rosalega var þetta gaman. Fullt, fullt, fullt af fólki mætt, 30 eða 40 keppendur! Þá er miklu meiri gaman og fleiri til að keppa við. Það var þröngt í sundi eða 5-6 manns á braut. En það lagaðist eftir 50m þegar allir voru á sinum hraða. Gékk nokkuð vel að sunda, skriðsundi allar 400m. Er bara spennt eftir tímann, en ég held ég hef nú bætt mér siðan í inniþraut í febrúar. Skiptitíminn gekk nokkuð vel fannst mér. Sleppti að þessu sinnu að reyna að komast í þröng hlaupabuxur á blautan likaman og fór í staðinn í göngubuxur, sem eru mjög fínt til að hjóla (þröngt niðri) og hlaupa. Var líka að hugsa áður að það gæti verið kalt og þá eru þessi buxur betur. Fann samt ekki fyrir kulda allan timan, þó að blautur sundbolur var undir öllu. Svo var hjólað 3 hringir með nokkrum góðum brekkum og tókst mér vel að halda hraðan. Er ég viss um að það er dekkjaskipti að þakka sem Elskan gerði á siðustu stund fyrir mig í gærkvöldi. Slettari prófil, minni viðnám, meiri hraði, auðveldar að hjóla. Mér fannst heldur ekki eins erfitt að hjóla (prufuhjólaði hringinn í gær á gömlum dekkjum). Bið spennt efir tímanum en held ég náði undir 30mín sem var allgjört draumahugur áður. En nú þurfti að hlaupa 2,5km! Oh hvað það var þúngt. Aftan á lærum og kálfum fann ég fyrir og tók það meira en hálfan hring að jafna sér. Það varð eiginlega bara auðveldara þegar komið var á topp Borgarbrautina og eftir að hlaupa niður í mót. Átti stuttan endasprett inni. Það var allveg æðislegt. Veðrið topp! Logn, ekki kalt og ekki heit. Varð 6. af 10 konum með timan 51:47 ef ég náði það rétt. Nú er ég orðin heit fyrir að kaupa mér racer. Þá verður hjólatíminn enn betur og enn meiri gaman   Heitur pottur eftirá með miklum pælingum í keppni og svo hjólað heim.
Svo er það næsta þraut á Seltjarnarnes 1.júni, þá tvöfaldi lengd   Ætla amk. að profa ef veðrið verður sæmilega.

Tekið úr blogginu Corinnu: http://corinna.blogcentral.is/

Spjall um úrslitin í Þríþrautarkeppninni í Kópavogi vorið 2008

Eftir Hartmann Bragason

Þríþrautarkeppnin í Kópavogi sl. sunnudag tókst með ágætum og hafa sjaldan fleiri þátttakendur mætt til leiks.   Það er sérlega ánægjulegt að konurnar er farnar að taka aftur við sér.  Nýliðarnir settu sterkan svip á keppnina og velgdu jafnvel sumir þeirra gömlum reynsluboltum eins og undirrituðum undir uggum.  Svo var að heyra á þeim að þeir biðu í ofvæni eftir næstu keppni til þess að láta kné fylgja kviði.  Verði þeim að góðu því við erum rétt að byrja og tónninn sleginn fyrir stórátökin sem eru framundan í sumar.

Torben Gregersen varð að þessu sinni þríþrautarkóngur.  Ekki langt á eftir honum kom Sten Johannsen sem einnig var í banastuði en þeir félagar eru mjög jafnir að getu og hafa áður “borist á banaspjótum”.  Öruggt má því heita að Torben fær ekki að hvíla lengi á lárviðarlaufi sínu vilji hann segja endanlega skilið við annað sætið.  Þeir kumpánarr eru í sérflokki og virðast fáir í karlaflokki líklegir á næstunni að geta velt þeim úr sessi.

                Að sama skapi varð Helga Árnadóttir þríþrautardrottning í kvennaflokki sem hún sigraði með miklum yfirburðum.  Ekki er nóg með að hún beri höfuð og herðar yfir stallsystur sínar heldur hjó tími hennar langt inn í raðir karlanna því tími hennar var ekki langt frá tíma karlanna í 3.-5. Sæti.  Helga hefur verið mjög dugleg við æfingarnar í vetur enda hefur hún uppskerið sem hún hefur sáð.  Gárungarnir segja reyndar að það hafi gefið henni byr undir báða vængi er hún krækti í einn besta hlaupara okkar Stefán Viðar Sigtryggsson sem átti sitt debut (fyrstu keppni) í þríþrautarkeppni.  Þó hann yrði eins og fleiri góðir drengir að lúta í lægra hald fyrir vinkonu sinni átti hann góða innkomu og öruggt er að ekki er langt í að Stefán fari að skipa sér í fremstu raðir þríþrautarmanna, sérstaklega ef Stebbi nær tökum á sundinu (þe. Sundtökunum) og kaupir sér nýtt hjól.

                Annar nýliði (?) í þríþraut sem vakti óskipta athygli var skagamaðurinn Jón Hugi Harðarson sem náði þriðja sæti skammt á undan félaga sínum Trausta Valdimarssyni.  Hann kvartaði þó undan brekkunum á Kársnesinu enda ekki vanur þeim á Akranesi.

                Að mér vitandi var tímatakan hnökralaus að þessu sinni en smá ruglingur kom upp hjá nokkrum keppendum hvernig loka bæri hjólakeppninni.  Það gengur betur næst og fleiri glæsileg þríþrautarmót á döfinni.

Kv. Hartmann